အချစ်မဲ့ဂစ်တာ

လွန်ခဲ့သော နှစ်ဆယ့်ငါးနှစ်တာ ကာလ….

ဒီလိုနေ့ရက်မှာပေါ့… လူလောကကြီးထဲကို မျက်စိသူငယ် နားသူငယ်နဲ့ ရောက်လာခဲ့တဲ့ ကလေးလေးတစ်ယောက်…။ ဒီလောကရဲ့  ဖျားယောင်းမှု၊ လှည့်စားမှု၊  ပြောင်းလဲမှုတွေကြားမှာ ကြီးပြင်းလာလိုက်တာ လူဘ၀ရဲ့ သက်တမ်းအရဆိုရင် သုံးပုံတစ်ပုံဟာ ကုန်ဆုံးသွားခဲ့လေပြီ။ ဒီလိုကုန်ဆုံးသွားတဲ့ ကာလာတွေထဲမှာ ပျော်ရွှင်မှုတွေ၊ ၀မ်းနည်းမှုတွေ၊ အောင်မြင်မှုတွေ၊ ရှုံးနိမ့်မှုတွေ၊ မျှော်လင့်ချက်တွေ၊ စိတ်ပျက်အားလျှော့ခဲ့ရမှုတွေ စတဲ့ လောကဓံရဲ့ လှိုင်းတံပိုးထဲမှာ အလူးလူး အလိမ့်လိမ့် နဲ့ပါပဲ။

အထပ်ထပ်ဖိချခဲ့ရတဲ့ ဆပ်မကုန်တဲ့ ကျေးဇူးတရားတွေအောက်မှာ ပြန်လည်ဦးမော့နိုင်ဖို့နဲ့ တစ်ထပ်ပြီး တစ်ထပ် ပြန်လည်ချေဖျက်ပစ်ဖို့ ကြိုးစားနေရတဲ့ လူတစ်ယောက်…။ တစ်ချို့ တစ်ချို့သောအရာတွေ လုပ်နိုင်ခဲ့တာရှိသလို လုပ်နေသမျှကာလပတ်လုံးမှာလည်း ပြန်လည်ပြီး  တစ်ရစ်နဲ့ တစ်ရစ် ပိကျခံနေရဆဲ…ပြန်လည်နစ်မြုပ်နေဆဲပါ..။  ပြီးဆုံးသွားတဲ့ အရာတွေမှာ အမှန်တွေရှိခဲ့သလို အမှားတွေဆိုတာလည်း ဒုနဲ့ ဒေးပေါ့..။ ဒီလိုနဲ့ ပြင်ဆင်လို့ ရနိုင်တဲ့ အမှားတွေကို ကြိုးစားပြင်ဆင်ရင်းနဲ့  ပြန်ပြင်မရနိုင်တော့တဲ့ နောင်တတွေလည်း များစွာ ပိုက်ထွေးလျှက်…..။ ဘာပဲပြောပြော..  ရည်မှန်းချက်တစ်ခုအတွက်ဆိုရင်တော့  မာနဆိုတဲ့ အရာက်ိုလက်ဆွဲရင်း…..။

ဒီလိုနှစ်ကာလအတွင်းမှာပဲ…တစ်ခါတစ်ရံ အချိန်တွေမှာ အကောင်းဆုံးဖြစ်နိုင်ဖို့ လှုပ်ရင်း လှုပ်ရင်းနဲ့ မြုပ်မြုပ်သွားခဲ့ရတဲ့ အခြေအနေတွေ၊ နွံထဲရောက်သွားသလို အခြေအနေမျိုးတွေလည်း ကြုံခဲ့ရတာ ခဏခဏပေါ့…..။ ဒီလိုအဖြစ်မျိုးတွေကြုံလိုက်ရတိုင်း ကျကျသွားတတ်တဲ့ အရာတစ်ခုကို မရမက ပြန်ပြန်ကောက်ခဲ့ရတာလည်း အကြိမ်ကြိမ်ပါပဲ..။ တစ်ခါတစ်ခါလည်း နှောင်ကြိုးတစ်ချောင်းကို သွားပြီးတွယ်ငြိလိုက်မိခဲ့ပေမယ့် ဒီနှောင်ကြိုးက အချည်မခံလိုသူအတွက် အသာအယာဆွဲဖြေလိုက်ရုံနဲ့ပဲ ပြေလျှောသွားခဲ့လေရဲ့….။ တစ်ခါတစ်ရံလည်း စဉ်းစားမိခဲ့ပါရဲ့… ဘ၀ဆိုတာ ဘာမဟုတ်တဲ့ စက္ကူတွေအတွက်များလားပေါ့လေ..။ ဒါပေမယ့် သိပ်မကြာလိုက်ပါဘူး..။ ဘာမဟုတ်တဲ့ စက္ကူတွေက ဘ၀တစ်ခုကို ဖြစ်စေခဲ့တာကို သိလိုက်ရမိပြန်ရော..။

ဒီလိုနဲ့ပဲ ခုဆိုရင် နှစ်ဆယ်ငါးနှစ်တဲ့… အချိန်က သတိပေးလာတယ်…။ ခုချိန်ထိ ဘာဆိုဘာမှ မလုပ်ခဲ့လိုက်ရသေးသလိုလို …. ။ ဘာဆိုဘာမှလည်း မပြီးမြောက်သေး သလိုလို..။ ကုန်ဆုံးသွားတဲ့ အချိန်တွေဟာလည်း ဘာမှ မကြာလိုက်သလိုလို..။ မထင်မှတ်ပဲ မကြာသေးခင်ကမှ တွယ်ငြိမိပြန်တဲ့သံယောဇဉ်ကြိုးတစ်ချောင်းအတွက်လည်း  ရင်လေးမိသလိုလို…။ ဒီကြိုးလေးဟာ လုံးဝထင်မှတ်မထားပဲတင်းကျပ်စွာချည်နှောင်မိနေလေတော့လဲ ခက်ပါ့… ။ ထားလိုက်ပါပြီ..။  ပြီးခဲ့တာတွေလည်း  နေ့စဉ်ရက်ဆက် သင်္ဂြုလ်နေခဲ့ရပြီး နောင်လာမယ့် အချိန်တွေကိုလည်း ဖမ်းဆုပ်လို့ မလွယ်ဘူးဖြစ်နေတော့….။ ဒီအချိန်.. ဒီအရွယ်မှာဖြင့်…………….။ ဒီလိုနဲ့ပဲ မနက်ဖြန်ဆိုရင် ၂၆ လို့ပြောရတော့မယ်……………………….။

ps.. ဘာပဲပြောပြောပေါ့လေ.. ဒီမွေးနေ့ဟာ ကျွန်တော့်အတွက် အမှတ်တရအဖြစ်ဆုံးသော မွေးနေ့တစ်ခု ဖြစ်ခဲ့တာတော့ အမှန်ပါပဲ… Thank you for all…

အချစ်မဲ့ဂစ်တာ
၂၈.၆.၂၀၀၉

ကျွန်တော့ဘာဝါသနာပါသလဲ… ဟုတ်လား.. ကျွန်တော်ပါတဲ့ ၀ါသနာကို ပြောရမယ်ဆိုရင်တော့ ကလိတာ၊  ဟိုနိုက်ဒီနိုက် နဲ့ ဟိုရှာဒီရှာ တွေပေါ့ဗျာ.. အဲဒါတွေအရမ်းဝါသနာပါတယ်…။ အဲ..တမျိုးတော့ မထင်လိုက်နဲ့နော်… စက်ပစ္စည်းတွေ ကလိတာကိုပြောတာ..။ ( လူတွေက ယုံရတာမဟုတ်.. တောင်တွေးမြောက်တွေး တွေးရင်တွေးနေမှာ.. )

မှတ်မှတ်ရရ ကျွန်တော် ဆယ်တန်းတုန်းကဆိုရင် ကျူရှင် ဆရာမက စာကျက်ခိုင်းထားတဲ့ အချိန်ဘာလုပ်နေတယ်မှတ်လဲ.. ကက်ဆက်သေးသေးလေး ထဲက စပီကာတွေဖြုတ်ပြီး အဲဒီတုန်းက ခေတ်စားလိုက်သေးတဲ့ RA သံဘူးလေ..သိတယ်ဟုတ်.. အယ်ကိုဟော 1%
ပါတယ်ဆိုလား…အမလေး..အဲဒီတုန်းက အဲဒီ 1% ပဲပါတဲ့ သံဘူးကို ခိုးခိုးသောက်ရတာလေ.. အရက်လည်း မသောက်တတ်သေးဆိုတော့..။ ဟိ.. ကြွားနေတာနဲ့ပဲ အဆုံးမရောက်တော့ပဲနေမယ်.. ထားလိုက်ပါတော့လေ.. အဲဒီ သံဘူးအဟောင်းလေးတွေကိုဖောက်ပြီး စပီကာတွေထည့် ကက်ဆက်နဲ့တွဲ.. တိတ်တွေနဲ့ပတ်.. ဟုတ်နေတာလေ..ကိုယ်အတွေးနဲ့ကိုယ်…။ အဆဲခံရတာလည်း မမှတ်.. အရိုက်ခံရတာလည်း မမှု.. လုပ်ချင်တာတွေ လုပ်နေရမှာနော့… ဆိုသလိုပဲ…။ တော်သေးလို့သာ ဆယ်တန်းလေး အောင်လာတာ..။

နောက်ပိုင်း အွန်လိုင်းစသုံးဖူးတဲ့ အချိန်ကနေစပြီး ဟိုရှာဒီရှာတွေဝါသနာပါလာခဲ့တယ်ဗျ..။ အဲဒီတုန်းကတော့ friendster ပေါ့ဗျာ..။ စစချင်းဆိုတော့ မျက်စိသူငယ် နားသူငယ်နဲ့ ဟိုလူ့ page လေးကြည့်လိုက် … အားကျလိုက်.. ဒီလူ့ page လေးကြည့်လိုက် .. အားကျလိုက်… ကိုယ်ကလည်း မလုပ်တတ်.. ဘယ်ကစလုပ်ရမှန်းလည်း မသိ… လုပ်ဖူးတဲ့လူတွေကို မေးတော့လည်း သူတို့က သိပ်မပြောပြချင်..။ ဒီလိုနဲ့ပဲ ကိုယ်ဖာသာ.. ဟိုရှာလိုက် ဒီရှာလိုက် နဲ့ တဖြည်းဖြည်းကိုယ့် page က လူရိုသေ ရှင်ရိုသေလေး ဖြစ်လာတော့ friendster မှာ ဘာဆက်လုပ်ရမှန်းမသိတော့ …။ ဒီလိုနဲ့ပဲ အဲဒီအချိန်မှာ အွန်လိုင်းမှာ ဘာဆက်လုပ်ရမှန်းမသိတော့..။ ဒါနဲ့ပဲ သိတယ်ဟုတ်.. အလုပ်မရှိတော့ ရှိတာလေးနဲ့ လောက်ငှအောင် သောက်ဖြစ်လာတော့တာပဲ…ဟီး..။ သောက်ဖြစ်လာတော့ အွန်လိုင်းမတက်ဖြစ်.. အွန်လိုင်းတက်ဖြစ်ရင် မသောက်ဖြစ်… ။ ပြောရင်းပြောရင်းနဲ့ လူတွေသိကုန်ပြီလား မသိ..။

ခုနောက်ပိုင်းတော့ ဘလော့လုပ်ဖြစ်လာတဲ့ အချိန် စာရေးတာလည်း ၀ါသနာပါလာသလို.. အရင်ကတည်းက ၀ါသနာပါလာတဲ့ ဟိုကလိဒီကလိ၊ ဟိုနိုက်ဒီနိုက်၊ ဟိုရှာဒီရှာ ၀ါသနာလည်း မစွန့်လွတ်နိုင်သေးဘူးဗျ….။  ခုထိတော့ လုပ်ချင်တာတွေ လုပ်နေရတုန်းပါပဲ.. ဟာဟ..။

ကဲ မနှင်းဆီနက်ရေ…. ဒီလောက်နဲ့ပဲ ကျေနပ်တယ်ဟုတ်…။

အချစ်မဲ့ဂစ်တာ

ခေတ်မှီစက်ကလေးထဲမှ လျှင်မြန်စွာ လည်နေသော ဖန်ပုလင်းရှည်လေးကိုကြည့်ရင်း ကျွန်တော့ရင်ထဲတွင် အလွန်ပင် စိတ်လှုပ်ရှားနေမိသည်။ သိပ်မကြာခင်မှာပဲ စက်ထဲမှ ပုလင်းရှည်လေးကိုထုတ်ကာ အထဲမှ အရည်ကြည်လေးများကို စက္ကူချောင်းလေးများပေါ်သို့ တစ်စက်ခြင်းချလိုက်တာကို တွေ့လိုက်ရသည်။ ပုလင်းရှည်လေးအတွင်းမှ အရည်ကြည်လေးများ စက္ကူချောင်းလေးထဲသို့ အစိမ့်စိမ့်စီးဆင်းနေသလို
ကျွန်တော့်နှလုံးသားမှာလည်း တဆတ်ဆတ်ခုန်လျှက်ရှိသည်။ စိတ်ထဲတွင်လည်း လွန်စွာမှ လေးလံလှသော အရာတစ်ခုကို တနင့်တပိုးထမ်းထားရသကဲ့သို့ ခံစားနေရသည်။ တစ်စက္ကန့်…. နှစ်စက္ကန့်….  သုံးစက္ကန့်….။ ရင်ခုန်သံများကလည်း တဒိုင်းဒိုင်းနှင့်။

—————————–

“ A သွေးတစ်လုံးလိုတယ်… အခုချက်ချင်းရမှဖြစ်မယ်…လူနာက အရမ်းကို အရေးကြီးနေတာ”
ဆိုသော အသံကို ဆိုင်ကယ်ပေါ်ထိုင်နေသော ကျွန်တော်နားစွန်နားဖျား ကြားလိုက်မိသည်။ ဆေးရုံ ဆိုင်ကယ်တက္ကစီဂိတ်လေးမှ အမြဲခရီးသည် စောင့် လေ့ရှိသော  ကျွန်တော်တို့ တက္ကစီသမားများအဖို့တော့  ထိုစကားများမှာ မကြာခဏဆိုသလို ကြားနေရလေ့ရှိသည်။
“ A သွေးဆိုပါလား”
ကျွန်တော်နုတ်ဖျားမှ ရေရွတ်လိုက်မိသည်။ အဘယ်ကြောင့်ဆိုသော် ကျွန်တော့်သွေးအမျိုးအစားမှာ A သွေးဖြစ်နေသောကြောင့်ပင်ဖြစ်သည်။

“ လူနာက အရမ်းအရေးကြီးနေသည်တဲ့… လိုနေတဲ့သွေးကလည်း A ငါလှူလို့ရသားပဲ… ငါလှူလိုက်ရင်ကောင်းမလား ”
“ အာ… ငါသွေးလှူနေရင် ခရီးသည်တွေ လွတ်ကုန်မှာပေါ့… ပြီးတော့ ငါ့စီနီယာကလည်း နံပါတ်တစ် ရောက်နေပြီ.. ဒီတစ်ခါ ခရီးသည်လာတာနဲ့ ငါ့အလှည့်.. ငါထွက်ရတော့မှာ”
“ ခရီးသည်လာလည်း ဘာဖြစ်လဲကွာ…ဟိုမှာက အသည်းအသန်ဖြစ်နေတာ.. တကယ်လိုအပ်နေတဲ့ အချိန်မှာ လှူရမယ့်သွေးအတွက် ဘယ်လောက်  ကုသိုလ်ရလိုက်မလဲ”
“ တော်ကြာ တစ်ကြောင်းထဲနဲ့ ၁၅၀၀ တို့ ၂၀၀၀ တို့ရမယ့် အချီကြီးခရီးသည်လာရင် ဘယ်လိုလုပ်မလဲ”
“ ဒါပေမယ့်ကွာ… အဲလောက်ပိုက်ဆံက ပြန်ရှာလို့ရပါတယ်လေ..လူ့အသက်တစ်ချောင်းကို ကယ်ဖို့က ပိုအရေးကြီးတယ်…”
ကျွန်တော့်စိတ်ထဲမှ သွေးလှူဖို့နဲ့ မလှူဖို့ကို လွန်စွာလျှင်မြန်လှသော စိတ်အဟုန်ဖြင့် ဆွဲနေသော လွန်ဖြစ်သည်။

“ ကျွန်တော်လှူမယ်ဗျာ”
ဆုံးဖြတ်ချက်တစ်ခုကို ပြတ်သားစွာ ချလိုက်ပြီး လူနာရှင်ကိုကျွန်တော်ပြောလိုက်သည်။
“ ငါ့ညီက A သွေးလား”
“ ဟုတ် ကျွန်တော် A သွေးပါ”

“ ဒါဆို အဆင်ပြေတယ်ကွာ… လာ”

ကျွန်တော်သူခေါ်ရာနောက်သို့လိုက်လာရင်း တစ်ခါမှ သွေးမလှူဖူးသောကျွန်တော် တကယ့်တကယ် သွေးလှူရတော့မည် ဆိုတော့ အတော် စိတ်လှုပ်ရှားနေမိသည်။ သွေးစစ်ခန်းထဲကိုရောက်တော့ ကျွန်တော့်သွေး အနည်းငယ်ကို ယူကာ ပုလင်းရှည်လေးထဲသို့ထည့်သည်။ နောက် ထိုပုလင်းရှည်လေးကို စက်အတွင်းသို့ ထည့်လိုက်သည်။

—————————-

“ ကဲ..ငါ့ညီလာ မင်းသွေးလှူလို့ရပြီ… မင်းရဲ့သွေးကို အကုန်စစ်ပြီးပြီ အားလုံးကောင်းတယ်…”
ဆိုတော့မှပင် ကျွန်တော့်ရင်ထဲမှာ အတော်လေးပေါ့ပါးလန်းဆန်းသွားမိသည်။ နောက် ခုတင်တစ်လုံးပေါ်တွင် အိပ်ခိုင်းသည်။
“ အပ်ထိုးမယ်နော်.. ခဏလေးတော့ နာမယ်”
ဆစ်ကနဲ ခံစားမှုနှင့်အတူ ပီတိတစ်ခု ကျွန်တော့်ရင်ထဲသို့  ကိန်းဝပ်လာခဲ့သည်။ သွေးထုတ်အပြီးတွင် တစ်ကိုယ်လုံး ပေါ့ပါးသွားလို လူလည်း အတော်ပင်လန်းဆန်းသွားသည်။ သွေးလှူဘဏ်မှ ပေးသော သွေးလှူရှင်ကတ်လေးကို ကိုင်ကာကျွန်တော့်သွေးကို အလှူခံသော လူနာကိုသွားကြည့်သည်။ ကျွန်တော့်သွေးကို သွင်းနေသော လူနာကလေးငယ်လေးကို ကျွန်တော်ကြည့်ရင်း ရင်ထဲမှာလည်း ဖော်မပြတတ်သော
ခံစားမှု တစ်ခုကို ခံစားလိုက်ရသည်။ ဂိတ်ပြန်ရောက်တော့
“ မင်းသွေးသွားလှူနေတုန်း ခရီးသည်လာလို့ နံပါတ်နှစ်ကတစ်ယောက်လိုက်သွားတယ်…၁၀၀၀ တန်ခရီး ” လို့ ဂိတ်က အစ်ကိုကြီးကပြောတော့ ကျွန်တော်ဝမ်းမနည်းမိပါ။ ထိုပိုက်ဆံ တစ်ထောင်အစား တန်ဖိုးရှိသော အလှူတစ်ခုကို ပြုလိုက်ရသည့်အတွက် ကိုယ့်ကိုယ်ကိုလည်း ကျေနပ်အားရမိသည်။

“ အမေရေ.. ဒီနေ့သားပထမဆုံး အကြိမ်သွေးလှူခဲ့တယ်.. ဒီမှာ”
ဆိုပြီး ကျွန်တော်က သွေးလှူရှင်ကတ်လေးကိုပြတော့ အမေက
“ နင်က သွေးလှူခဲ့တယ် .. နင်က အရက်ကလည်း သောက်သေးတယ် ဆေးလိပ်လည်း မလွတ်ဘူး… နင့်သွေးကို ရတဲ့လူတော့ ”
လို့ ကျွန်တော့်ကို စသည်။ နောက်မှ အမေက
“ ငါ့သား သွေးလှူခဲ့တယ်ဆိုတော့ အေပိုး၊ ဘီပိုး၊ စီးပိုး တွေကင်းတာပေါ့.. ”
“ ဟုတ်တယ်အမေ.. အကုန်လုံးစစ်ပြီး အောင်မှ လှူလို့ရတာလေ”
“ အေး..အမေက စိုးရိမ်နေတာ သားရဲ့.. အမေက စီပိုးရှိတယ်ဆိုတော့ ငါ့သားတွေကိုလည်း စီပိုးရှိနေမှာစိုးတာ.. ခုလို မရှိဘူးဆိုတော့ ကောင်းတာပေါ့ သားရယ်.. နောက် သွေးလှူတယ်ဆိုတာ အလွန်  မွန်မြတ်တဲ့ အလှူတစ်ခုပဲသားရဲ့   … ကိုယ့်ရဲ့ အသွေး နဲ့ အသား ဆိုတဲ့ ထဲက အသွေးကိုလှူတဲ့ အလှူ ၊ ကိုယ့်သွေးသားကိုတောင် လှူတဲ့အလှူဆိုတော့ စဉ်းစားကြည့်လေသားရဲ့    .. ပစ္စည်းဥစ္စာတွေ လှူတဲ့ အလှူထက် အများကြီးမြတ်တယ်သားရဲ့ … နောက် သွေးလှူမယ်ဆိုတော့ သွေးတွေစစ်ရတယ်.. အဲဒီတော့ ကိုယ်ရဲ့ ကျန်းမာရေးအတွက်လည်း စစ်ပြီးသားဖြစ်သွားတယ်… ခန္ဓာကိုယ်ထဲက သွေးတစ်ပုလင်း ထုတ်လိုက်တဲ့ အတွက် အဲဒီသွေးတစ်ပုလင်းစာ ကိုယ်ထဲမှာ အသစ်ပြန်ဖြစ်တယ်လေ…   သွေးသစ်လောင်းတာဆိုတော့ ကျန်းမာတာပေါ့ကွယ်… ပြီးတော့ သွေးလှူနေတဲ့ လူတစ်ယောက်ဟာ အကြီးအကျယ် သွေးထွက်သံယိုမှုတွေဆိုတာ ဖြစ်ခဲတယ်သားရဲ့… သားလှူခဲ့တဲ့ သွေးအတွက် အမေ သာဓုခေါ်ပါတယ်သားရယ်…”
ဆိုပြီး အမေပြောပြတော့မှပင် သွေးလှူခြင်း အကျိုးတွေကို ကျွန်တော်ပိုသိခဲ့ရသည်။ ပိုပြီးလည်း ၀မ်းသာပီတိဖြစ်မိသည်။

——————————

“ ဟယ်လို .. ကိုမောင်မောင် ရှိပါသလား”
“ ဟုတ်ကဲ့ ပြောနေပါတယ်”
“ ရင်ခုန်သံ သွေးလှူအသင်းကပါ.. လာမယ့် ၆ လပိုင်း ၆ ရက်နေ့ စနေနေ့မှာ သွေးလှူပွဲရှိတယ်ဆိုတာ အကြောင်းကြားပေးတာပါရှင် ”

——————————-

နံပါတ် ၅ သို့ ရောက်ပြီဖြစ်သော ကျွန်တော့်သွေးလှူကတ်လေးကို ကိုင်ပြီး လက်မောင်းမှ သွေးထုတ်ထားသော နေရာသို့ တစ်ချက်ကြည့်မိသည်။ ဒီနှစ် သင်္ကြန်နှစ်ဆန်းတစ်ရက်နေ့မှာ ကွယ်လွန်ခဲ့တဲ့ ကျွန်တော့်အမေသာရှိနေဦးမယ်ဆိုရင် ဘာပြောဦးမည် မသိ………။

အချစ်မဲ့ဂစ်တာ

လွန်လေပြီးသော အခါက တိုင်းပြည်တစ်ပြည်မှာ ဘုရင်ကြီးတစ်ပါးရှိသတဲ့။ အဲဒီဘုရင်ကြီးဟာ သူ့တိုင်းပြည်ကြီးကို မင်းကျင့်တရားဆယ်ပါးနဲ့ အညီ အုပ်ချုပ်သတဲ့။ ဒီတော့ တိုင်းပြည်ဟာ အလွန်မှ သာယာဝပြောပြီး စည်ကားလှသတဲ့။ ဘုရင်ကြီးဟာလည်း နေ့စဉ်ဆိုသလို အလှူအတန်းကိုလည်း အကြီးအကျယ်ပေးပြီး သီလ သမာဓိလည်း ပြည့်စုံတော့ တိုင်းသူပြည်သားတွေဟာ ဘုရင်ကြီးကို လွန်စွာမှ ချစ်ကြသတဲ့။ ဘုရင်ကြီးကလည်း သူရဲ့ တိုင်းသူပြည်သားတွေအားလုံးကို ရင်ဝယ်သားလိုစောင့်ရှောက်သတဲ့။

တစ်ရက်မှာတော့ အမတ်ကြီးတစ်ပါးက ဘုရင်ကြီးကို လျှောက်သတဲ့။
“ အရှင်မင်းမြတ်ဘုရား အရှင်မင်းကြီးတစ်ရက်တစ်ရက်လှူတန်းပြီး သီလတွေ သမာဓိတွေ ဆောက်တည်နေတာတွေဟာ ဘာအတွက်လုပ်နေတာပါလဲဘုရား ”
ဆိုတော့ ဘုရင်ကြီးက
“ ဒီဘ၀မှာ ကောင်းမှုလုပ်တဲ့ အတွက် ဒီဘ၀မှာသာမက နောင်ဘ၀မှာလည်း ကောင်းကျိုးတွေခံစားရတယ်လို့ ကြားဖူးတယ်လေ အမတ်ကြီးရဲ့”
ထိုအခါ အမတ်ကြီးက ဘုရင်ကြီးကို
“ ဒီဘ၀မှာ ကောင်းတာလုပ်လို့ နောက်ဘ၀မှာ ကောင်းတာမဖြစ်ပါဘူးဘုရား”
“ အလို.. ဘယ်လိုကြောင့်ဒီလိုလျှောက်တင်ရသတုန်း အမတ်ကြီးရဲ့ ”
“ အရှင်ဘုရား.. ကျွန်တော်မျိုးဟာ ကျွန်တော်မျိုးရဲ့ အရင်ဘ၀တစ်ဘ၀ကို မြင်ရပါတယ် ဘုရား… ”
ဆိုတော့ ဘုရင်ကြီးဟာ လွန်စွာအံ့သြသွားပြီး
“ဒါဖြင့် အမတ်ကြီးရဲ့ အရင်ဘ၀ကို လျှောက်တင်စမ်းပါဦး ”
“ ကျွန်တော်မျိုး အရင်ဘ၀တုန်းက မုဆိုးတစ်ယောက်ဖြစ်ခဲ့ပါတယ်ဘုရား… သားသတ် ငါးသတ်နဲ့ ကောင်းမှုဆိုလို့ တစ်ခုမှ မလုပ်ခဲ့ဖူးပါဘူးဘုရား… ဒီလောက် မကောင်းမှုတွေကို အရင်ဘ၀က အများကြီးလုပ်ခဲ့တာတောင်မှ ယခုဒီဘ၀မှာ အရှင်မင်းကြီးအပါးမှာ ခစားရတဲ့ အမတ်ကြီးတစ်ယောက်ဖြစ်ပြီး စည်းစိမ်အပြည့်နဲ့ နေနေရပါတယ်ဘုရား…. ဒါကြောင့် ဒီဘ၀မှာ ကောင်းတာလုပ်ရင် နောင်ဘ၀ ကောင်းတာရမယ်ဆိုတာ မဟုတ်ပါဘူးဘုရား.. ဒီဘ၀မှာ မကောင်းတာလုပ်လည်း နောင်ဘ၀မှာ မကောင်းတာမဖြစ်နိုင်ပါဘူး ဘုရား…. အကယ်၍ ဒီဘ၀မှာ မကောင်းတာလုပ်လို့ နောင်ဘ၀ မကောင်းတာဖြစ်ရမယ်ဆိုရင် ကျွန်တော်မျိုးဟာ ဒီလိုဘ၀မျိုးတောင် ရောက်နေမှာမဟုတ်ပါဘူးဘုရား… ဒီတော့ အရှင်မင်းကြီး အနေနဲ့လည်း အလှူအတန်းတွေ သီလတွေ လုပ်နေစရာတောင် မလိုပါဘူးဘုရား.. လုပ်နေလို့လည်း နောင်ဘ၀မှာ ကောင်းတာခံစားဖို့ မသေချာပါဘူးဘုရား .. မလုပ်လို့လည်း မကောင်းတာ မဖြစ်နိုင်ပါဘူးဘုရား …”
ဆိုတော့ ဘုရင်ကြီးဟာ ယုံကြည်မိသွားသတဲ့။

အဲဒီအချိန်ကနေစလို့ ဘုရင်ကြီးဟာ မင်းကျင့်တရားတွေ ပျက်စီးပြီး အလှူအတန်းတွေကို ရပ်လိုက်သတဲ့။ တစ်ရက်နဲ့တစ်ရက် တိုင်းရေးပြည်ရေးတွေကိုမလုပ်တော့ပဲ အပျော်အပါးနဲ့ သာ အချိန်ကုန်နေတော့တယ်။  ဒီတော့ အချိန်ကြာလာတာနဲ့ အမျှ တိုင်းပြည်အုပ်ချုပ်တဲ့ ဘုရင်က မင်းကောင်းမင်းမြတ်လို မကျင့်လေတော့ တိုင်းပြည်ဟာ တဖြည်းဖြည်းနဲ့ ဆုတ်ယုတ်စ ပြုလာတာပေါ့။ အဲဒီအချိန်မှာ ဘုရင်ကြီးရဲ့ သမီးတော်တစ်ပါးက
ဘုရင်ကြီးကို လျှောက်တင်သတဲ့။
“ ဖခမည်းတော်ဘုရား ဘာကြောင့် အရင်တုန်းကလို အလှူအတန်းများ၊ သီလ သမာဓိများကို မလုပ်တော့ပဲ နေပါသလဲဘုရား”
လို့ မေးတော့ ဘုရင်ကြီးဟာ အမတ်ကြီး အကြောင်းကို ပြန်ပြောပြသတဲ့။ ဒီဘ၀ ကောင်းတာလုပ်လည်း နောင်ဘ၀ကောင်းတာမရနိုင်ဘူးပေါ့လေ။ ဒီတော့ မင်းသမီးလေးက ဘုရင်ကြီးကို
“ ဖခမည်းတော့ဘုရား အဲဒီအမတ်ကြီးဟာ အရင်ဘ၀ တစ်ခုကိုပဲ မြင်ရတာပါဘုရား.. သမီးတော်ဟာ အရင်ဘ၀ ခုနှစ်ဘ၀ကို ပြန်မြင်ရပါတယ်ဘုရား”
လျှောက်တော့ ဘုရင်ကြီးဟာ အလွန့်အလွန်ကို အံ့သြသွားသတဲ့။ အဲဒီမှာ မင်းသမီးလေးဟာ
“ သမီးတော်ဟာ ဟိုးခုနှစ်ဘ၀မြောက်က ယောကျာ်းလေးတစ်ယောက်ဖြစ်ပါတယ်… သမီးတော် ယောက်ျားလေးဖြစ်ခဲ့တဲ့ အဲဒီဘ၀မှာ မိန်းကလေးတစ်ယောက်ကို အလိုမတူပဲ တစ်ခါစော်ကားခဲ့မိပါတယ် .. အဲဒီတစ်ခါအမှားကြောင့် နောက် ခြောက်ဘ၀မြောက်ကနေစလို့ ယခု ဘုရင့်သမီးတော် မဖြစ်ခင် အရင်ဘ၀အထိဟာ တိရိစ္ဆာန်ဘ၀တွေကိုပဲရခဲ့ပါတယ်… အဲဒီရတဲ့ တိရိစ္ဆာန်ဘ၀မှာလည်း ဘ၀တိုင်း အထီးဘ၀မရပဲ အမဘ၀သာ ရခဲ့ပါတယ်ဘုရား… ယခု ဟိုးခုနစ်ဘ၀အလွန်က ပြုခဲ့ဖူးတဲ့ ကုသိုလ်ကောင်းမှုလေးတွေရှိလို့ လူ့ဘ၀ပြန်ရတော့လည်း သားတော်အနေနဲ့ မရပဲ သမီးတော်အဖြစ် အမဘ၀သာ ရနေတုန်းပါပဲဘုရား.. ”
လို့လျှောက်တင်လေတော့ ဘုရင်ကြီးဟာ အမြင်မှန်ရပြီး ကံ ကံရဲ့ အကျိုးကို ယုံကြည်ကာ နောက်နေ့များမှစ၍ အလှူအတန်းများ၊ သီလ များကို ယခင်ကကဲ့သို့ပင် ပြန်လည် ပြုလုပ်လေတော့သည်။ ထိုအခါမှ တိုင်းပြည်သည် ပြန်လည်ကာ စည်ပင်ဝပြောလာလေ တော့သည်။

ထို့ကြောင့် ယခုဘ၀တွင်လုပ်ခဲ့သော ကံများသည် နောင်ဘ၀တွင် အကျိုးပေးသည်များ ရှိသကဲ့သို့ သုံးလေးငါးဘ၀ ကျော်ပြီးမှလည်း အကျိုးပေးနိုင်လေသည်။

(ps) မိုးကုတ်ဆရာတော်ဘုရားကြီး၏ သားတပည့် ဓမ္မရံသီ မိုးကုတ်ဓမ္မရိပ်သာဆရာတော် ဦးသုနန္ဒဟောကြားသော တရားပွဲများတွင် နာခဲ့ရသော တရားတော်များထဲမှ ယခုချိန်ထိ ကျွန်တော်မှတ်မိနေသော တရားတစ်ပုဒ် ဖြစ်ပါသည်။

`လူ´ ဟူ၍ မွေးဖွားလာကတည်းကပင်  ကိုယ်လုပ်ချင်သည်များ၊ ကိုယ်ဖြစ်ချင်သည်များကို မလုပ်ရသော အခါ မဖြစ်ရသောအခါမျိုးများတွင် ကြိုးပမ်းမှုတစ်ခုခုဖြင့် လုပ်ခွင့်ရရန် ဖြစ်ခွင့်ရရန် ကြိုးစားအားထုတ်လေ့ရှိကြသည်။ လူမှပင် မဟုတ်ပါ။ လောကရှိ သက်ရှိသတ္တ၀ါများအားလုံးသည် လွပ်လပ်မှုကို ခင်မင်ကြသည်။ နှစ်သက်ကြသည်။ လိုလားကြသည်။ မည်သည့် သတ္တ၀ါမှ ဖိနှိပ်မှု ၊ ချုပ်နှောင်မှုများကို မခံချင်ကြ။ ၄င်း အပြင် လူ
အပါအ၀င် သတ္တများအားလုံး၏ စိတ်သည် မည်သည့် အခြေအနေတွင်မဆို အနိုင်ရလိုမှု ၊ ဗိုလ်ချချင်မှုနှင့် အထက်စီးမှာသာ နေချင်သူတွေက များသည်။ ထိုနေရာများသို့ ရောက်နေသော လူတော်တော်များများမှာလည်း ကြီးနိုင်ငယ်ညှင်း ဆိုသကဲ့သို့ စွမ်းအားကြီးသူ ရာထူးကြီးသူများက စွမ်းအားနည်းသူ ရာထူးနိမ့် သူများကို ညှင်းဆဲမှုများမှာ အတော်များများရှိကြသည်။ ထိုသို့သော အခြေအနေမျိုးများတွင် ဖိနှိပ်ခံရသူ၊  မလွတ်လပ်ဟု ခံစားရသူ တော်တော်များများ၏ စိတ်များတွင် ထိုအခြေအနေမျိုးများမှ လွတ်မြောက်အောင် ကြိုးစားချင်စိတ်များ ပေါ်ပေါက်လာသည်။ ၄င်းစိတ်သည်ကား လူများအားလုံး၏ သိစိတ်များ ၊ မသိစိတ်များတွင် ကိန်းအောင်း လျှက်ရှိသော သူပုန်စိတ်များပင် ဖြစ်မည်ဟု ထင်ပါသည်။

ကျွန်တော်တို့၏ မွေးကင်းစ အရွယ်မှစတင်၍ ဆာလောင်မှုများကို မခံနိုင်သောအခါ ဖြစ်ချင်သော ဆန္ဒကို ငိုကြွေးမှုဖြင့် ပြခဲ့ကြသည်။ အနည်းငယ် သိတတ်စ အရွယ်သို့ ရောက်လာသောအခါတွင်လည်း လူကြီးမိဘများက ` ဒီလို မလုပ်နဲ့ ဒီလိုလုပ်ရင် ဒီလို ဖြစ်တတ်တယ်´ ဟု အကျိုးအကြောင်းချပြသော်လည်း စိတ်ထဲတွင် ကိန်းအောင်းနေသော သူပုန်စိတ်များက ထကြွကြသည်။ မလုပ်နဲ့ လို့ ပြောသောအရာများကို လုပ်ဖြစ်အောင် လုပ်တတ်ကြသည်။ ဖယောင်းတိုင်မီးကို  ကိုင်ရင် ပူတတ်တယ်လို့ ပြောပေမယ့်လည်း ကိုင်ကြည့်ချင်ကြသည်။ ကိုယ်လုပ်ခဲ့သည်များ မှားသည်မှန်သည်ကို ကိုယ်ကိုယ်တိုင် တွေ့ကြုံခံစားမိမှသာ ယုံကြည်ကြသည်။

ကျွန်တော်တို့ ငယ်ရွယ်စဉ်ကာလများတွင်လည်း ငယ်ရွယ်သော အသိဥာဏ်နှင့် ယှဉ်၍ အရာရာကို သူပုန်စိတ်နှင့် ပုန်ကန်လာခဲ့ကြသည်။ အသက်အရွယ် ရလာသောအခါတွင်လည်း ကြီးပြင်းလာသော ဥာဏ်နှင့်ယှဉ်၍ ပုန်ကန်ချင်စိတ်များ ဖြစ်ပေါ်ကြသည်။ ငယ်ရွယ်စဉ်ကပင် ငယ်ရွယ်သော သူပုန်စိတ်များ လူတိုင်းရှိကြလျှင် ကြီးရင့်လာသောအခါ စဉ်းစားဆင်ခြင် တတ်လာသောအခါ ရှိလာသော သူပုန်စိတ်များကို စဉ်းစားကြည့်ပါ။ မည်မျှကြီးမား နေမည်ဆိုသည်မှာ သံသယရှိရန်ပင် မလိုတော့ပေ။

သူပုန်များ ဆိုသည်မှာ မည်သူများကို ပြောပါသနည်း။ ကိုယ့်အဖွဲ့အစည်းနှင့် ဆန်ကျင် ကြသူများကို သူပုန်များဟု ကျွန်တော်တို့ ခေါ်ကြလျှင် အခြားဘက်မှလည်း  ကိုယ့်အဖွဲအစည်းကို သူပုန်များ ဟု၍သာ သတ်မှတ်ကြပေလိမ့်မည်။ ထိ်ုအခါတွင် အားလုံးကို ခြုံကြည့်လျှင် နှစ်ဦးနှစ်ဘက်လုံးမှာ သူပုန်များပင် ဖြစ်နေပေလိမ့်မည်။ ဖြစ်လည်း  ဖြစ်နိုင်ပါသည်။ အဘယ်ကြောင့်ဆိုသော် လူသားအားလုံး၏ စိတ်တွင် သူပုန်စိတ်များ ရှိနေသောကြောင့်ပင်ဖြစ်သည်။

ထိုကြောင့် လူတိုင်း၊ ခံစားမှုရှိသူတိုင်း၊ လွတ်လပ်မှုကို မြတ်နိုးတတ်သူတိုင်း ၊ မဟုတ်မခံ စိတ်ရှိသူတိုင်း၊ အသိဥာဏ်ရှိသူတိုင်းတွင် သူပုန်စိတ်များရှိကြသည်။ ကျွန်တော်တွင် လည်း သူပုန်စိတ်ရှိသည်။ ကျွန်တော် အဖေတွင်လည်း သူပုန်စိတ်ရှိသည်။ ကျွန်တောအစ်ကိုတွင်လည်း သူပုန်စိတ်ရှိသည်။ ကျွန်တော့ညီတွင်လည်း သူပုန်စိတ်ရှိမည်။  ခင်ဗျားတို့ တွင်လည်း မသိစိတ်တွင် ဖြစ်စေ သိစိတ်တွင်ဖြစ်စေ သူပုန်စိတ်ရှိနေလိမ့်မည်။  ပုန်ကန်သင့်သော အချိန်၊ အလိုမကျသောအချိန်တွင် ပုန်ကန်ကြလိမ့်မည်။ အောင်မြင်သည် မအောင်မြင်သည် ဖြစ်စေ လူတိုင်းတွင်ရှိသော ပုန်ကန်စိတ်များကြောင့် ပုန်ကန်မှုများသည် အစဉ်ရှိနေပေလိမ့်မည်။ ထို့ကြောင့် လူတိုင်းတွင် သူပုန်စိတ်ရှိသည်။ သူပုန်စိတ်သည် လူတိုင်းတွင်ရှိသည်။

သားမိုက်တစ်ယောက်။ အမေ့ရဲ့ အဝေးမှာ အမေ့အတွက်ကြိုးစားနေသော သားမိုက်။ ဒီသားမိုက်ကို အလွန်ချစ်သော အမေ။ သားကို အတွေ့မှာ ဝေဒနာ ခံစားနေရပေမယ့် အရည်လဲ့နေသော အပြုံးနဲ့ ဆီးကြိုနေသော အမေ။ အမေရေ…… ဆံဖြူတွေကြားမှာ ဆံပင်အနက်ရောင် အနည်းငယ်သာ ရှိတော့တဲ့ အမေ့ရဲ့ ဆံပင်တွေကို သား ဖြီးပေးခဲ့တုန်းက အမေ့မျက်ရည်တွေကို သားတွေ့တယ် အမေ။ သားကိုလည်း စကားတွေအများကြီး အများကြီးကို ပြောခဲ့သေးတဲ့ အမေ။ သားတို့ အိပ်ရေးပျက်မှာစိုးရိမ်လို့ အမေဝေဒနာတွေ ကြားထဲကနေ အိပ်လို့မပျော်တာကို ကြိတ်မှိတ်ပြီး အိပ်ချင်ယောင်ဆောင် အိပ်ခဲ့တဲ့ အမေ။ အပူဆို ဘာမှစားလို့မရလို့ သားတိုက်တဲ့  ဆန်ပြုတ်အေးအေးလေးတွေကို နှစ်ခြုက်စွာနဲ့ စားခဲ့တဲ့ အမေ။ နွားနို့မကြိုက်ပေမယ့်လည်း အားရှိအောင်ဆိုပြီး  သားကတိုက်တော့လည်း အမေအပြုံးမပျက်နဲ့ မနှစ်မြို့ဟန်လည်း မပြခဲ့ဖူးတဲ့ အမေ။

ဆရာဝန်တွေက ရေမတိုက်နဲ့လို့ ပြောထားတဲ့ကြားက ` သားရယ်… အမေ ရေမသောက်ပါဘူး… ဒါပေမယ့် အာခေါင်တွေ နှုတ်ခမ်းတွေ ခြောက်နေလို့ အာစွတ်ရုံလောက်ပဲ တစ်စက် နှစ်စက်လောက်တော့ တိုက်ပါသားရယ် ´ ဆိုတော့လည်း သားဘယ်နေနိုင်ပါ့မလဲအမေရယ်။ ၀မ်းနည်းရပါတယ်အမေရယ်။ နောက်ပိုင်း အမေ ဝေဒနာတွေကြားက ` သားရယ်.. အမေ့ကို ရေနည်းနည်းလောက် ကျွေးပါဦး…. အမေ သားကျွေးတဲ့ ရေကို အမေ မစားပါဘူးသားရယ်… ´ ဆိုပြီး သားရင်ထဲမှာ ဆို့နင့်စွာနဲ့ ရေနည်းနည်းတိုက်ပြန်တော့ နုတ်ခမ်းလေးကို ရှာလေးနဲ့သပ်ပြီး ` ဒီမှာနော်.. သား.. အမေ သားတိုက်တဲ့ ရေကို  မစားဘူးနော်´ ဆိုတော့ သားဘယ်လို နေနိုင်မှာလဲ အမေရယ်။

`ဘယ်နှစ်နာရီ ရှိပြီလဲ… ဘယ်နှစ်နာရီရှိပြီလဲ ´ ဆိုပြီး ခဏခဏ မေးတတ်တဲ့ အမေ။ ` လေးနာရီ ရှိပြီ အမေရေ…. ´ လို့ သား ပြောလိုက်ရတာ
နောက်ဆုံးပဲ ဆိုတာ သားမသိခဲ့ဖူးလေ။  အမေ့ သက်တမ်းတလျှောက်လုံး အမေပြုလုပ် အားထုတ်လာတဲ့ တရားတွေနဲ့ နောက်ဆုံး အချိန်ထိ မလွတ်တမ်း အားထုတ်နေတဲ့ အမေ။ အရင်က နှစ်ဆန်းတစ်ရက်နေ့ရောက်တိုင်း မနက် လေးနာရီကစလို့ အိမ်ရှေ့မှာ ဆွမ်းခံကြွတဲ့ သံဃာတော် တွေအကုန်လုံးကို ကြာဇံအိုးအကြီးကြီးနဲ့ ကြာဇံ ချက်လောင်းခဲ့တဲ့ အမေ… ဒီနှစ်ဆန်းတစ်ရက်နေ့ မနက် လေးနာရီမှာတော့….။

အမေရေ…… ။ အမေလို့ သားခေါ်လိုက်ရတာ အားတောင်မရသေးဘူး အမေရယ်….။

အမေ ။ သားချစ်တဲ့ အမေ ကောင်းရာသုဂတိလားပါစေ…………။